හෙට (17) සිට ඉදිරි දින කිහිපය තුළ දිවයිනේ පළාත් කිහිපයක වැසි තත්ත්වයේ සැලකිය යුතු වැඩි වීමක් අපේක්ෂා කරන බව කාලගුණ විද්යා දෙපාර්තමේන්තුව නිවේදනය කරනවා.
අද (16) පස්වරු 2.00 ට නිකුත් කරන ලද නවතම පුරෝකථනයට අනුව උතුරු, උතුරුමැද, මධ්යම, ඌව සහ නැගෙනහිර පළාත්වල මෙන්ම හම්බන්තොට දිස්ත්රික්කයේ ද විටින් විට වැසි ඇති විය හැකියි.
එමෙන්ම, මධ්යම, ඌව සහ නැගෙනහිර පළාත්වල සහ පොලොන්නරුව දිස්ත්රික්කයේ ඇතැම් ස්ථාන වලට මිලිමීටර් 100 ට වැඩි තද වැසි ඇති විය හැකි බවත් සඳහන්.
දිවයිනේ සෙසු ප්රදේශවල පස්වරු 1.00 න් පසු තැනින් තැන වැසි හෝ ගිගුරුම් සහිත වැසි ඇති විය හැකි අතර, ඇතැම් ස්ථානවලට මිලිමීටර් 75 ක පමණ තරමක් තද වැසි ඇති වීමේ හැකියාවක් පවතින බවත් කාලගුණ විද්යා දෙපාර්තමේන්තුව පවසනවා.